Partia Socialiste pas mbledhjes me kryesinë ka zyrtarizuar listën e kandidatëve që do të garojnë për bashkitë në 30 qershor. Në 61 bashkitë e vendit, Edi Rama ka përcaktuar tashmë emrat që do të kërkojnë nga votuesit një mandat 4-vjeçar. Edhe pse opozita është shprehur se nuk do të lejojë që të mbahen zgjedhjet, mazhoranca ka tashmë gjithçka gati për të nisur fushatë zgjedhore. Por ajo që bie në sy në këto lista, është mungesa e respektimit të kuotave gjinore. Nga 61 kandidatë, vetëm 8 prej tyre janë femra dhe pjesa tjetër meshkuj. Elbasani, Shkodra, Tirana, Korça, Kukësi, Dibra, janë edhe qarqet që nuk kanë asnjë kandidate femër në bashkitë e tyre.
Shfaq Komentet (0)
